АХБ-ны "Засаглалын Шинэчлэлийн Чадавхийг Бэхжүүлэх Төсөл"-ийн хүрээнд Төрийн санхүүгийн удирдлага, төсвийн шинэчлэлийн чиглэлээр цуврал сургалтыг Сангийн яам болон салбарын яамд, орон нутгийн төсвийн мэрэгжилтнүүдэд зохион байгуулахаар Удирдлагын академитай байгуулсан гэрээний дагуу "Хөтөлбөрт төсөв" сэдэвт сургалтыг 2 үе шаттайгаар зохион байгуулав. Эхний үе шатны сургалтыг Сангийн яамны Төсвийн бодлогын газрын мэрэгжилтнүүдэд 2010 оны 6 дугаар сарын 25-26 өдрүүдэд, хоёр дахь үе шатны сургалтыг салбарын яам, агентлагийн төсөв хариуцсан мэргэжилтнүүдэд 7 дугаар сарын 1-2-ны өдрүүдэд Сангийн яаманд зохион байгуулав.
Сангийн сайдын баталсан удирдамжийн дагуу Сангийн сайдын эрхлэх асуудлын хүрээнд олгож буй Гаалийн зуучлагчийн үйл ажиллагаа эрхлэх, Гаалийн баталгаат бүсэд үйл ажиллагаа эрхлэх тусгай зөвшөөрлийн үйл ажиллагаанд тус яамны Дотоод аудит, хяналт-шинжилгээ, үнэлгээний газраас 2010 оны 5 дугаар сард дотоод аудит явуулсан ба дараах асуудлыг хамруулсан байна.
Дотоод аудит, хяналт-шинжилгээ, үнэлгээний газраас Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль, Монгол Улсын Засгийн газрын 2009 оны 12 дугаар сарын 11-ны өдрийн “Сахилга, дэг журам, хариуцлагыг сайжруулах талаар авах зарим арга хэмжээний тухай” 03 тоот албан даалгаврын биелэлт болон худалдан авах ажиллагаатай холбоотой эрх зүйн актын хүрээнд хэсэгчилсэн дотоод аудитыг хийлээ. Төсвийн ерөнхийлөн захирагчдаас 2010 оны худалдан авах ажиллагааны төлөвлөлт, зохион байгуулалт, ажлын явцын тайлан болон ЭБЭХЯ, БСШУЯ-дын худалдан авах ажиллагааны явцтай газар дээр нь танилцав.
АХБ-ны "Засаглалын шинэчлэлийн чадавхийг бэхжүүлэх төсөл--"ийн хүрээнд Төрийн санхүүгийн удирдлага, төсвийн шинэчлэлийн чиглэлээр цуврал сургалтыг Сангийн яам болон салбарын яамд, орон нутгийн төсвийн мэрэгжилтнүүдэд зохион байгуулахаар Удирдлагын академитай гэрээ байгуулан ажиллаж эхлээд байна. Гэрээний дагуу "Төсвийн хязгаар" сэдэвт эхний сургалтыг 2 үе шаттайгаар зохион байгуулахаар шийдвэрлэсэн билээ. Ийнхүү нэг дэх үе шатны сургалтыг Сангийн яамны Төсвийн бодлогын газрын мэрэгжилтнүүдэд 2010 оны 6 дугаар сарын 11-14 өдрүүдэд, хоёр дахь үе шатны сургалтыг салбарын яам, агентлагийн төсөв хариуцсан мэргэжилтнүүдэд мөн сарын 21-22-ны өдрүүдэд Сангийн яаманд зохион байгуулж, сургалт семинарын үйл ажиллагааг Сангийн яамны Төсвийн бодлогын газрын дарга Б.Батжаргал нээв.
Монгол Улсын нэгдсэн төсвийн 2010 оны 5 дугаар сарын гүйцэтгэлийн мэдээгээр нэгдсэн төсвийн нийт орлогын бүрдүүлэлт 120.0 хувийн биелэлттэй, нийт зарлага 83.9 хувийн гүйцэтгэлтэй гарч, төсвийн нийт алдагдал 169.8 тэрбум төгрөгт хүрсэн байгаа нь төлөвлөсөн дүнтэй харьцуулахад 391.4 тэрбум төгрөгөөр бага байна.