Сургалтыг Удирдлагын академийн багш, Удирдлага, бодлого судлалын хүрээлэнгийн захирал, доктор, дэд профессор Л.Отгонтуяа удирдан хөтөлбөрт төсвийн талаархи онол, арга зүйн талаар лекц, ярилцлага хийж, Сангийн яамны Төсвийн бодлогын газрын Зарлагын хэлтсийн мэрэгжилтэн О.Хуягцогт, Б.Мөнхтуул нар хөтөлбөрт төсвийн шинжилгээ хийх, шийдвэр гаргалтад хэрхэн ашиглах болон хөтөлбөрт төсвийг манай улсад хэрэгжүүлэхэд учирч буй хүндрэлийн талаар сонирхолтой хэлэлцүүлэг явуулав.

Энэхүү сургалтын гол зорилго нь хөтөлбөрт төсвийн талаар нэгдсэн ойлголт өгөх, Манай улсад хэрхэн тохиромжтой хэрэгжүүлэх талаар хэлэлцүүлэг явуулах, хөтөлбөрт төсвийг боловсруулах удирдамжийн төсөл бэлтгэх, хөтөлбөрт төсвийг үр дүнтэй хэрэгжүүлэх талаар Сангийн яамнаас төсвийн ерөнхийлөн захирагч нарт чиглэл өгөх явдал байлаа. Сургалтад оролцогсод   хөтөлбөрт  төсвийг хэрэгжүүлэхэд тулгарч буй хүндрэл болон манай улсад тохирсон хөтөлбөрт төсвийг хэрхэн хэрэгжүүлэх талаар санал солилцож, хөтөлбөрт төсөв боловсруулах талаар Сангийн яамнаас нэгдсэн удирдамж гаргаж хэрэгжүүлэх нь зүйтэй гэсэн дүгнэлтэд хүрлээ.